十二星座炸鍋實錄

🌠 導言

在 Patreon 開這一個12星座觀察室系列，是因為過去我曾應不同雜誌或網頁要求，寫那些以十二星座為主題、輕鬆易明白的星座文章，所以我有不少這類 「存貨」，為了不浪費，我就重新整理一下share 出來。😆

這個系列以十二星座輕鬆小品為主，例如十二星座家居裝修風格、十二星座最適合的運動，或者「星座之最」排名等，唔識占星的小白都看得懂！

雖然我知現在即食文化流行，短句會更吸引，但我在patreon中仍然保留較詳細的內容，並和過去堅持一樣，最後必定加入 專業占星小貼士，把內容和真正的占星解讀連結，另外，新增的最後一段 How to learn，則希望學習占星的朋友，能發揮小宇宙進行聯想練習，加深對占星基礎知識的理解。

---

究竟十二個星座 "炸鍋" （生氣到爆）時的反應會係點？

白羊：雷陣雨爆完就天晴。(OS：淋濕你唔好意思，我已經陽光普照)

金牛：記仇記到天荒地老。(OS：你唔好以為我唔記得，我個帳簿係用石板刻嘅)

雙子：連珠炮反擊，講唔出聲最危險。 (OS：我唔係詞窮，只係未揀好用邊個角度轟炸你)

巨蟹：生悶氣生到胃痛。(OS：我冇事。我真係冇事……你點解仲唔問我咩事？)

獅子：全世界都要知我嬲。(OS：你道歉之前我唔會收聲，但你道歉之後我會請你食飯)

處女：碎碎念到你懷疑人生。(OS：我每句話都係為你好……同埋為咗證明我才對)

天秤：微笑冷戰，封鎖你都保持優雅。 (OS：我仲未封鎖你，已經係我最大嘅讓步)

天蠍：沉默冷暴力，死因你自己搵。(OS：你繼續講，我聽緊。我會慢慢同你計）

射手：嬲唔過三秒，因為笑點太低。(OS：頭先我有嬲過咩？唔記得喇，因為佢反應太搞笑)

山羊：壓住怒火做嘢，低氣壓恐怖過鬧交。 (OS：我唔係唔嬲，只係排緊期嬲你 — 你而家阻住我做嘢)

水瓶：直接當你透明。(OS：我唔係冷暴力，只係覺得同你講嘢浪費我嘅電量)

雙魚：喊到你心軟，或者喊到有人幫佢出頭。(OS：我喊唔係因為我軟弱，而係因為我知道你一定會心軟)

希望大家睇完後，會到 Patreon 看詳細內容及睇埋後面的專業占星小貼士，歡迎留言一起討論～